تاند: ( يکشنبه ، د کب لومړۍ) ایراني چارواکو دا ځل د نيوکو تر څنګ له طالبانو غوښتي، چې د هلمند سيند اوبه دغه هېواد ته ورخوشې او په خبره یې د حقابې تړون ورسره عملي کړي.
د ایران د انرژۍ وزير علي اکبر مهربانيان ويلي، چې طالبانو ورسره له تېرو څو مياشتو راهيسې په دې اړه خبرو کې د دغه تړون د عملي کیدو ژمنې کړي، خو تر اوسه يې عمل ورباندې نه دی کړی.
ایراني وزير له طالبانو غوښتي، چې په دې تړاو خپلې ژمنې عملي کړي.
هغه د طالبانو پر حکومت غږ کړی، چې په ژر فرصت کې ورسره د اوبو د خوشې کیدو په اړه خپلې ژمنې عملي کړي.
د يادونې وړ ده، چې ایران سره د اوبو یاد شوی تړون د افغانستان پخواني صدراعظم ډاکټر موسی شفيق په څلویښتمه لسيزه کې لاسليک کړی و، خو پر ایران تور دی چې له خپل حق څخه د زياتو اوبو د لاسته راوړلو لپاره جنجال کوي.
د طالبانو حکومت د ايران د تازه غوښتنې په اړه څه نه دي ويلي، خو مخکې ېې د پخواني تړون د عملي کیدو ژمنه کړې وه.