تاند: ( شنبه ، د دلوې دېرشمه) د طالبانو د دفاع وزارت په يوه اعلاميه کې راغلي، چې طالب دفاع وزير ملا یعقوب مجاهد د رنګ شوي ملي پوځ دوه روغتيايي چارواکي پر مهمو دندو ګومارلي.
د اعلامیې له مخې، په دې ګومارنو کې بريد جنرال عبدالولي احمدزی د صحيه قومندانۍ د سرپرست مرستيال او ډګروال ډاکټر یما نجرابي د يادې قومندانۍ د پلان او پالیسۍ سرپرست مرستيال ګومارل شوی دی.
د طالبانو د دفاع وزارت په دې اعلاميه کې راغلي، چې دواړه نوي ګومارل شوي پوځي- روغتيايي چارواکي مخکيني او مشهور کادرونه دي.
په ټولنیزو رسنیو کې يو شمېر کسانو د داسې ګومارنو هرکلی کړی او ویلي، چې طالبان بايد د حکومت دروازې د هېواد د ټولو کادرونو پر مخ خلاصې او د واک انحصار پای ته ورسوي.