تاند: ( پنجشنبه ، د دلوې څوارلسمه) د افغانستان په شمال کې د سالنګونو د ساتنې رياست ويلي، چې د سالنګونو لویه لاره د سختو ورښتونو له امله تړل شوې ده.
د دغه ریاست رییس قاضي عبید ویلي، چې دغه لویه لاره د سختو واورو او بادونو له کبله تړل شوې ده.
هغه له خلکو غوښتي، چې د لارې د پرانیستلو په اړه د دوی د خبرتيا تر خپریدو پر سالنګونو له تګ راتګ څخه ډډه وکړي.
د افغانستان د هوا پېژندنې ادارې په ګڼو ولایتونو کې د سختو ورښتونو او بادونو وړاندوینه کړې ده.
طالب چارواکو ویلي، چې د سالنګونو د لويې لارې د پاکولو لپاره یې لازم تدابیر نیولي دي.