د کندوز د سپين زر شرکت د بیرته فعالولو هڅې پیل شوي

تاند: ( سې شنبه ، د دلوې دولسمه)‏ طالبان وايي، چې د کندوز سپین زر دولتي شرکت خپل فعالیتونه بیا ځل پیلوي.

د باختر آژانس د خبر له مخې، د دغه شرکت له فعالېدو سره به درېو زرو کسانو ته د کار زمینه برابره شي.

چارواکي وایي، چې د یاد شرکت لومړني کارونه پیل شوي دي.

باختر اژانس په دې اړه نور جزییات نه دي ورکړي.

سپین زر دولتي شرکت د هېواد له مشهورو دولتي شرکتونو څخه و، چې غوړي او نور توکي یې تولیدول.