تاند: ( دوشنبه ، د دلوې یوولسمه) د طالبانو حکومت په لومړي ځل د یو نیم سل میلیونه استهلاک شویو افغانيو د سوزولو خبر ورکړ.
د افغانستان بانک په یوه اعلامیه کې راغلي، چې دا کار یې خپل قانون د ۳۹ او ۴۲ مادې پر بنسټ ترسره کړې دی.
سرچینه زیاتوي:یو سل او پنځوس میلیونه زاړه او له کاره لویدلي بانکنوټونه مو د ټاکل شوي پلاوي په شتون کې تر دقیقې شمېرنې وروسته وسوځول.
په وروستيو کې په بازار کې د استهلاک شویو بانک نوټونو له ډېروالي شکایت زیات شوی و.
افغانستان بانک مخکې له خلکو د ورته بانک نوټونو د سپارلو غوښتنه او بيا يې د سوزولو اقدام کاوه.