تاند:( پنج شنبه ، د قوس پینځه ویشتمه) د روسیې د بهرنیو چارو وزارت وياندې ماریا زاخارووا ويلي، چې پاکستان به راتلونکې اونۍ د افغانستان په اړه د ترویکا ( د افغانستان په اړه د امریکا، روسیه، چین او خپله پاکستان) د ګډې غونډې کوربه وي.
نوموړې د دغې غونډې د ترسره کيدو وخت د دسمبر ۱۹ يانې راتلونکې يکشنبه ښودلې ده.
سرچينې په دې اړه نور جزییات نه دي ورکړي.
په همدې ورځ تمه کيږي، چې پاکستان د افغانستان په اړه د اسلامي هېوادونو د همکاريو سازمان د غونډې کوربه هم وي.
د اسلامي هېوادونو د همکاريو سازمان غونډې ته د طالبانو د بهرنيو چارو وزير مولوي امیر خان متقي هم بلل شوی.
متقي تېر ځل هم پاکستان د ترویکا له غونډې سره هم مهاله پاکستان ته بللی او د طالبانو له واکمنیدو وروسته په لومړي ځل د امریکا، روسیې او چین له استازو سره د لابۍ لپاره کينول شوی و، خو د طالبانو د رسميت پېژندلو لپاره يې کومه پايله نه لرله.
د دغو هېوادونو او خپله د طالبانو د رامنځته کوونکي او اصلي مدافع پاکستان په ګډون ټول هېوادونه له طالبانو غواړي چې د واکمنۍ د رسميت پېژندلو لپاره يې د ټول ګډونه حکومت جوړیدل، له ترهګرو ډلو سره د اړيکو پرې کول او دغه راز د ښځينه او بشري حقونو تامينول تضمين کړي.
طالبانو بيا ادعا کړې، چې دغه ټول شرایط يې پوره کړي، خو ملګري ملتونه او ګڼ هېوادونه هره ورځ د طالبانو د جنګي جرمونو او شړیدلې واکمنۍ په اړه اعتراضونه کوي.
طالبانو بيا دوی سره له یرغمل شویو افغانانو څخه د بیان ازادۍ او اعتراضونو حق تروړلی، خو ښکاره یې د موجوديت ادعاوې کوي.
first talibs must be free from pakistan intiligency.
afghans are against pakistan,because pakistan is our enemy..
historically pakistan always want to destroyed afghanistan.p
afghan knows.
thanks