تاند:( جمعه، د قوس دولسمه) د جرمني صدراعظمې انګیلا میرکل نن له ۱۶ کلنې صدراعظمۍ وروسته، په رسمي توګه له خپلې دندې سره مخه ښه وکړه.
نوموړی تېر ماښام د دغه هېواد د دفاع په وزارت کې د مخه ښې وينا واوروله.
مېرمن میرکل له خپل ملت څخه د زړه د تله مننه وکړه، چې اوږده موده يې د مشرۍ باور او ملاتړ ورڅخه کړی.
تمه کيږي، چې نوموړې راتلونکې اونۍ د صدراعظمۍ دفتر په رسمي توګه خپل ځای ناستيشولتس ته وسپاري.
انګيلا ميرکل د نړۍ له تر ټولو محبوبو سياسي څېرو څخه ګڼل کېږي.
هغې ته ډېرو جرمنانو « د جرمني مور» لقب ورکړی او د ښې رهبرۍ او جرمني ته د خدمتونو منندوی يې دي.
مېرمن میرکل د نړۍ په ډېرو نورو برخو کې هم د يوې پياوړې او نړيوال ثبات ته د ژمنې سياستوالې په توګه پېژندل کېږي.