تاند:( جمعه، د اکتوبر ۲۲ مه) د سالنګ لویې لارې مسوولینو ویلي، چې دغه لاره نن بیرته د ترافیکو پر مخ پرانیستل شوه.
سالنګ لاره د واورې او توپان له کبله نن تړل شوې وه.
د سالنګونو د ساتنې او حفاظت مسوول عبدالله عبید وویل، چې دا لاره تېره شپه تړل شوې وه او نن د جمعې ورځې په ماسپښين د بار وړونکو موټرو په ګډون د ټولو په مخ بيرته پرانيستل شوه.
سرچينې د سالنګونو د ساتنې او پرانيستې په موخه د تدابيرو خبر هم ورکړ.
سالنګ د افغانستان شمالي او نورې برخې سره نښلوي او ډېر کله د ژمي موسم کې له ورته ستونزو سره مخ کیږي.