له نن څخه ۱۷ کاله پخوا د ۲۰۰۴ م کال په همدې ورځ د افغانستان په تاریخ کې د لومړي ځل لپاره د ولسمشرۍ انتخابات وشول.
د رایو په شرایطو برابرو شاوخوا ۷۵ سلنه خلکو (کابو ۱۲ ملیونه) د رای اچولو لپاره نومونه لیکلي وو.
حامد کرزي ۵۵ اعشاریه ۴ سلنه رایې وګټلې او د افغانستان په تاریخ کې لومړنی منتخب ولسمشر غوره شو.
په پیل کې په پام کې وه چې دا انتخابات د ۲۰۰۴ کال د جولای په پنځمه وشي خو د اکتوبر نهمې ته وځنډول شول.
د کرزي په وړاندې ۲۳ تنه کاندید شوي وو خو پنځه تنه د انتخاباتي کمپاینونو په مهال له کاندیداتورۍ تېر شول.
د کرزي په وړاندې د جمعیت ګوند یونس قانوني، د ملي اسلامي جنبش مشر عبدالرشید دوستم، او د وحدت ګوند محمد محقق د پام وړ کاندیدان ول چې تر نورو یې ډېرې رایې وګټلې.
ناکامو کاندیدانو په انتخاباتو کې د درغلۍ تورونه ولګول خو خپلواکو نړیوالو څارونکو، ملګروملتو او اروپايي ټولنې، چې انتخابات یې څارل، د هغوی تورونه رد کړل.
طالبان هماغه مهال کمزروي وو ځکه ډېرو خلکو په انتخاباتو کې خپلې رایې وکارولی شوې. خو له دې سره سره طالبانو د انتخاباتو د ګډوډولو لپاره تروسه وسه هڅه وکړه. د دوی په حملو کې، چې په جنوبي او ختیځو ولایتونو کې یې وکړې، د انتخاباتو د خپلواک کمیسیون ۱۵ غړي ووژل شول او ۴۶ نور ژوبل شول. په نورستان کې د انتخاباتو د ملاتړ دوه بهرني قراردادیان ووژل شول. همداراز د انتخاباتو په لړ کې د ملي اردو ۵ سرتېري د ماین په چاودنه کې ووژل شول.
په کوم ولایت کې کوم کاندید ډېرې رایې وګټلې:
