تاند:( یکشنبه، د میزان څلورمه) د طالبانو د اسلامي امارت بهرنيو چارو وزارت ويلي، چې د کابل نړيوال هوايي ډګر د بهرنيو الوتکو الوتنو ته چمتو شوی.
د دغه وزارت په يوه اعلاميه کې راغلي، چې دوی بهرنيو هوايي شرکتونو سره په دې برخه کې همکارۍ ته چمتو دي.
طالبانو يادونه کړې، چې د هوايي ډګر د تخنيکي ستونزو او الوتنو د ځنډ له کبله له څه مودې راهيسې خلک ګڼو ستونزو سره مخ دي.
د طالبانو اسلامي امارت له بهرنيو هوايي شرکتونو غوښتي څو د پخوا په څېر خپلې الوتنې بیرته پیل کړي.
دغو شرکتونو په دې اړه کوم غبرګون نه دی ښودلی.
کابل هوايي ډګر د طالبانو له راتګ سره د لسګونه زره تښتيدونکو افغانانو د ډېرې ګڼې ګوڼې او بې نظمۍ له وجې نیږدې ۱۰۰ ميليونه ډالره زیانمن او فعاليت يې ټکنی شوی و.