ژباړن او را ټولوونکی: احسان الله ژمن

Macule
د لاتین کلیمې (stain=رنګ) څخه اخیستل سوی، مانا یې (په رنګ کي بدلون) ده.
په دې لېژن کي یوازي د پوست رنګ په (سور، شین، تور) باندي بدلېږي، دا بدلون د التهاب، میلانین مادې د زیاتېدو یا کمېدو او د رګو د پراخېدو له کبله رامنځته کېږي.
د پوست پر سطحه د macule اندازه تر 2cm پوري وي.
Lesion
د بدن په حجرو کي هغه ځانګړي بدلونونه چي د یوې ناروغۍ په مرسته را منځته کېږي.
Patch
که چېري د پوست د رنګ بدلون تر 2cm زیات سي (macule تر 2cm زیات سي)، دې لېژن ته patch وایي.

Papule
د درم یا اِپیدرم د برخي محدود (له نیم څخه تر یو سانتي متر پوري) لیژن، چي د پوست سطحه یې را پورته کړې وي.
Nodule
که چېري د papule اندازه تر 1cm زیاته سي، دې لېژن ته Nodule وايي.

Plaque
هغه هموار او سطحي لېژن، چي د 2cm قطر په اندازه یې پوست را پورته کړی وي.

Hemangioma
هغه papule یا Nodule چي د رګ پر سطحه را پیدا سي.

Vesicles = bullae = blisters
هغه لېژن چي د پوست سطحه یې را پورته کړې وي او شفافه مایع پکښې وي.
د درمِس یا اپيدرمِس څخه منشااخلي.

Lichenification
سخت او ډبل پوست، چي برجستګۍ ولري. دا لېژن د پوست د زیات ګرولو(rubbing) او مزمن التهاب له امله رامنځته کېږي.
Pustule
هغه لېژن چي چرک ولري او د انتان له امله را پیدا کېږي.

Ulceration
د پوست ټوله اِپیدرمِس برخه له منځه تلل، چي د رغېدو په پایله کي یې scar جوړېږي.
Erosion
په سطحي ډول د پوست د اپیدرمس برخه له منځه تلل، چي د رغېدو په پایله کي یې scar نه جوړېږي.
Excoriation
د ګروَلو له امله د اِپیدرمِس برخي بشپړ یا قسمي تخریب.
Fissure
هغه درز (slits) چي د پوست ټولي طبقې یې نیولي وي.
Desquamation
پوست اچول (پوست کېدل) ؛ چي زیات وخت د حاد التهاب له امله وي.