تاند (شنبه، د سنبلې ۱۳) د افغانستان بانک نن په کابل ښار کې د شهزاده سرای د پرانیستل کېدو خبر ورکوي.
له دغه بانک څخه په خپره شوې خبرپاڼه کې راغلي چې دغه پرېکړه د افغانستان بانک او د صرافانو رهبرۍ تر منځ په ګډه ناسته کې شوې ده.
په دې ناسته کې د افغانستان بانک ژمنه کړې چې په مالي او بانکي برخو کې به هېوادوالو ته لازمې اسانتیاوې برابروي.
سرچینه زیاتوي، د افغانستان بانک هېوادوالو ته ډاډ ورکړ چې امانتونه یې له دوی سره خوندي دي او په دې برخه کې هېڅ ستونزه نشته.
د سرچینې په وینا د افغانستان بانک ویلي، چې په مرکز او ولایتونو کې د سوداګریزو بانکونو فعالیتونه پیل شوی او د جوړې شوې کړنلارې پر اساس به بانکي فعالیتونه دوام وکړي.
افغانستان بانک وایي، دغه کړنلاره به تلپاتې نه وي، بلکې ډېر ژر به د بانکونو عادي فعالیتونه بیرته پیل شي.