تاند(شنبه، اسد٣٠) – د طالبانو اسلامي تحریک وايي، د دوى د سياسي دفتر مشر ملا عبدالغني برادر کابل ته را رسېدلى دى.
طالبان وايي، ښاغلى برادر به د افغانستان ټولو سياسي اړخونو سره د راتلونکي نظام جوړښت په اړه خبرې وکړي.
هغه همدا اونۍ د يوه پلاوي په مشرۍ له قطر څخه کندهار ته راغلى دى.
د طالبانو ځینې سرچینې وایي، د طالبانو او افغان سياستوالو ترمنځ خبرې روانې دي او راتلونکو څو اوونیو کې به نوی حکومت اعلان شي.
د طالبانو اسلامي تحریک دا هم ویلي، چې دغه نظام به د ښځو د کار، مطبوعاتو ازادي، ملي امنیتي ځواکونو، ملي بيرغ او نورو مهم مسایلو په اړه پرېکړه وکړي.