تاند ( یکشنبه، د اسد۲۴) له افغانستان د ولسمشر غني له وتلو وروسته د عبدالله عبدالله، حامد کرزي او ګلبدین حکمتیار په ګډون د همږغۍ شورا جوړه شوه.
دې شورا له امنیتي ځواکونو او طالبانو غوښتي چې له زغمه کار واخلي او د غیرمسوولو کسانو له لوري د ګډوډۍ کلکه مخه ونیسي.
د همږغۍ شورا د جوړېدا هدف د خلکو د کړاوونو د کمېدو لپاره د ګډوډۍ مخنیوی، د سولې او د واک د سوله ییز لېږد د چارو لا ښه اداره بلل شوې ده.
دوی د ټېلفون درې شمېرې هم اعلان کړي او ویلي یې دي چې د اړتیا په صورت کې دې تماس ورسره ونیول شي.
عطا محمد شریف: (۰۷۰۰۲۲۹۷۲۰) (۰۷۹۹۱۵۱۶۶۶)
عبدالرقیب: (۰۷۹۹۷۹۴۵۰۰)
په همدې حال کې ګڼ شمېر طالبان د ښار په بېلابېلو سیمو کې ځای پر ځای شوي او ویل شوي چې نور طالبان به هم نن شپه ښار ته راشي چې د ګډوډۍ او لوټ مخه ونیسي.