تاند (یکشنبه د اسد ۳) د روسیې د دفاع وزیر سرګي شویوګو له خپل تاجک سیال شیر علي میرزا سره د افغانستان او تاجکستان په سرحدي سیمو کې د طالبانو د ګواښونو د مخنیوي په خاطر خبرې کړي دي.
دواړو خواوو په دې ټلیفوني خبرو کې د افغانستان وضعیت د اندېښنې ښودلی او ویلي یې چې له افغانستان سره پر پوله پراته هېوادونه باید د خپل امنیت لپاره اقدامات ډېر کړي.
د شویګو په خبره دوی له تاجکستان سره خپلې پوځي مرستې نورې هم ډېروي او هڅه کوي په دغه هېواد کې خپلې نظامي اډې او د څار سیستمونه نور هم پیاوړي او قوي کړي.
روسيې تر دې وړاندې هم په افغانستان کې وضعیت د اندېښنې وړ بللی و او له همدې امله یې له تاجکستان سره د پوځي مرستو د ډېرولو خبره کړې وه.
بلې خوا ټاکل شوې چې په راتلونکې میاشت کې ازبکستان، تاجکستان او روسیه په سیمه کې ګډ پراخ نظامي تمرینات هم ولري.
مسکو وار د مخه په تاجکستان کې د خپلې پوځي اډې د قوي کولو لپاره د یو شمېر پوځي وسایلو لېږدول پیل کړي دي.