تاند (جمعه د سرطان ۱۱) په افغانستان کې د نړیوال بانک نوې مشرې ویلي، په دې سختو شرایطو کې اړتیا لیدل کېږي چې له افغانستان سره د نړیوالې ټولنې مرستې د تېرو کلونو د لاسته راوړنو د ساتلو په موخه دوام ومومي.
#News: Newly appointed @WorldBank Country Director for #Afghanistan @goodmelinda joined the World Bank office in Kabul today. Melinda has worked in several leadership positions across the World Bank, including in South Asia. More details here: https://t.co/h6ia0D8xm7 pic.twitter.com/z4x73qzSUG
— World Bank South Asia (@WorldBankSAsia) July 1, 2021
د ملینډا ګووډ په خبره افغانستان د کورونا وبا د خپرېدو او د کړکېچنې سیاسي اوضاع له امله له سختو شرایطو سره مخامخ دی او له همدې امله اړتیا لیدل کېږي چې د نړیوالې ټولنې مرستې خلکو ته د اړینو خدمتونو د وړاندې کولو او د تېرو کلونو د لاسته راوړنو د ساتلو په موخه دوام ومومي.
مېرمن ملینډا زیاته کړې، له تېرو ۲۰ کلونو راهیسې نړیوال بانک د افغانستان د خلکو یو مهم ملاتړی پاتې شوی او له دې هېواد سره یې د پراختیايي پایلو او پرمختګونو په ترلاسه کولو کې د ستایلو وړ رول لوبولی دی.