تاند (یکشنبه د جوزا ۱۶) د تاجکستان او قرغزستان ترمنځ د خپلمنځي ستونزو له راپیدا کېدو وروسته دواړه هېوادونه د جګړې تر پولې رسولي دي.
افغان طالبانو د یوې اعلامیې په خپرولو سره په دغو هېوادونو غږ کړی چې خپلې ستونزې د خبرو اترو له لارې حل کړي.
د دغې ډلې په اعلامیه کې راغلي چې دوی تر بل هر چا زیات د جګړې د زیانونو په هکله عملي تجربه لري او په خبره یې چې د جګړې پيل ممکن اسانه ښکاره شي؛ خو عملي جریان او ورڅخه پاتې ناورینونه او زیانونه په مراتبو له هغو زیانونو څخه زیات دي چې د تفاهم په صورت کې به يې دواړه اړخونه وګالي.
طالبانو د تاجکستان او قرغزستان له مشرانو غوښتي چې د خپلو ملتونو اوږد مهاله ګټې، ارامي او امنیت په نظر کې ونیسي او ستونزو ته د تفاهم او خبرو له لارې معقول او منطقي حل پیدا کړي.
اعلامیه زیاتوي، «مونږ د خپلې تجربې له مخې د دواړو هیوادونو له مشرانو څخه هیله کوو چې د خپلو ملتونو اوږد مهاله ګټې، آرامي او امنیت په نظر کې ونیسي او ستونزې ته د تفاهم او خبرو له لارې معقول او منطقي حل پیدا کړي، دا به د دواړو هیوادونو او ملتونو په خیر وي.
طالبان داسې مهال د تاجکستان او قرغزستان ترمنځ د جګړې د درېدو غوښتنه کوي او د هغوی د ګټو خیر غواړي چې په کور دننه دغې ډلې له افغان ځواکونو سره د جګړې ډګر تود کړی دی او هره ورځ د ملکیانو په ګډون ګڼ شمېر وسله والو طالبانو او افغان سرتېرو ته مرګ ژوبلې اوړي.
کور خود بینای مردم متل پر طالبانو صدق کوي .
خپله دې ګنډه کې او دا بل جي کي او د سر تر رګونو ټول بارود تېر دي نو بیا د عقل رګ په تاسو کې ځنګه پاتې ده؟
څومره د بی عقلو او جاهلو خلکو سره مو سرکار دی، خپله تمام عمر خپلو وروڼه، خویندی، میندی بچیان وژنی کلی زیر بناوی مکاتب پلونه د پنجابی په خوله خرابوی او اوس چا ورته ویلی چی خارجی سیاست دی ته وایی او شرمیدلو او دوزخیانو له خدایه حیاه وکړی،. نو دا د تورلنګو له غلامی ځان خلاص کړی په خپلو صفونو او د حکومت په صفونو کښی د ږیړ ګلان مه رژوی. او س داسی د بی عقلی حد ته رسیدلی چی هر خبر کوی د مرداری بدی بویی تر خیږی. خدای د هدایت درته وکړی او که یی نکوی خدای مو تباه له دی زلیل او شر منده د دواړو دارینو کړه. د خپل سر اور مړ کړی د بل اور مړ کولو ته اوبه وروړل ستاسی له وسه بیرون خبره ده.