شنبه, جون 15, 2024
Homeخبرونهد ننګرهار په مومنددره کې یوه زوی خپل پلار په چړې حلال...

د ننګرهار په مومنددره کې یوه زوی خپل پلار په چړې حلال کړی

تاند ( دوشنبه، د جوزا ۱۰مه) د ننګرهار ولایت په مومنددرې ولسوالۍ کې یوه زوی خپل پلار په چړو حلال کړی دی.

په دې قتل کې د وژل شوي سړي له زوی سره يې خُسر هم شریک دی.

امنیتي چارواکي هم پېښه مني.

د ننګرهار د امنیه قومندانۍ ویاند فریدخان وایي، پېښه تېر مازیګر  ۳بجې شوې او په تړاو یې دوه تنه نیول شوي هم دي.

فریدخان وایي: « یو زوی د خپل خسر په ملتیا، خپل پلار له مومند درې ولسوالۍ دور بابا ته وړی او هلته یې په بې رحمۍ په چړو حلال کړی دي».

د پېښې اصلي لامل لا نه دی څرګند، خو ځایي خلک یې لامل کورنی تاوتریخوالی ښيي.

فریدخان هم وایي، چې د پېښې په تړاو څېړنې روانې دي، څو معلومه کړي چې زوی یې ولې خپل پلار په چړې حلال کړی دی.

د یادونې ده، چې د ننګرهار په لرې پرتو ولسوالیو کې اوس هم ګڼ خلک په یو نه یو ډول د کورني تاوتریخوالي قربانیان دي.

LEAVE A REPLY

Please enter your comment!
Please enter your name here

- Advertisment -

ادب