تاند — د افغانستان د کرنې اوبو لګولو او مالدارۍ وزارت وايي، په پکتیکا کې د زعفرانو د کر او حاصل د لا پراختیا په هدف ټاکل شوې چې سږ کال د دې ولایت په مرکز او اړوندو ولسوالیو کې ۱۰ ننداریزې کروندې جوړې شي.
د دې وزارت په یوه خبرپاڼه کې راغلي چې د زعفرانو د کښت، ګل ټولونې، اقتصادي ارزښت او پراختیا په هدف دا لس ننداریزې کروندې به په مرکز ښرنې، سروبي، جانیخېل، یوسف خېل او خیرکوټ ولسوالیو کې جوړې شي.
سرچینه وايي، کروندګرو ته د یادو ننداریزو کروندو په هکله هر اړخیزه روزنه ورکړل شوې ده.
د خبرپاڼې له مخې د کرنې وزارت هڅه کوي چې په یاد ولایت کې د نورو ارزښت لرونکو محصولاتو تر څنګ د زعفرانو کرکېله هم پراخه کړي.
دودیال
دا سمه ده چې موږ لا تراوسه پښتو کې یوشمیر اصطلاحاتو؛ په تیره مسلکی څانګو کې وړ او د ریښتنی مفهوم او ټولې معنا لیږدوونکی اصطلاحاتوکره معادل نلرو، اما کیدای شی په دې برخه کی کار وشی، که چیری کومه اصطلاح کارول کیږی، باید د مسلک د متخصص او ژبپوهانو له خوا تایید شوی وی. په دغه خبر کی ستاسو موخه demonstration ده. په دری کی ورته مزرعه یا قطعه ی نمایشی وایی. هغه بیلګیزه کرونده چې موخه ورڅخه ښودنه وی او بزګرانو ته د یو تخم، ونې، بوټي یا بل کرنیز پرکټس ښودنه کوی او بزګران به کټ مټ هغه تطبیقوی. دا د کرنیز ترویج ( Agricultural extension) یوه مسلکی اصطلاح ده.
موږ لا اوس هم په ترویجی خدماتو کی ډیر وروسته پاتې یاستو. د سردار محمد داوودخان پرمهال دې برخې ته اساسی توجه شوی وه، خو افسوس چې هغه ارمانونه نیمګړی پاتې شول. د تیر شل کلن فاسد او بی کفایته حکومت، دکرنی وزارت؛ په شلو کلونو کی د زښته ډیرو پیسو او ډیرو انجیو ګانو سره سره دې برخه کی هیڅ هم ونکړل، دوخت د ترویج رییس ف.فضل ته می یوه ورځ ټول واقعیتونه وویل هغه اعتراف وکړ. په هر صورت؛ ښه به وی چی د ننداریزی پرځای یا نمایشی قطعه( کرونده) ولیکل شی، یا ښودنیزه . معنا دا چې ننداریزه کره معنا نه لری.
درناوی. که زه تیر وتی یم راته لارښوونه وکړئ