تاند( پنج شنبه، د جوزا ۶مه) د افغانستان د فوټبال ملي لوبډله راتلونکې اونۍ له سینګاپور سره دوستانه لوبه لري.
افغان لوبډلې له دې لوبې وړاندې وړمه ورځ په يوه دوستانه لوبه کې ۳ د۲ ګولونو پر وړاندې د اندونیزیا ټيم ته ماتې ورکړه.
د اندونېزیا او افغانستان ترمنځ لوبه په دوبۍ کې ترسره شوه.
افغان لوبغاړي که څه هم د کورونا له امله يو نيم کال له لوبو لرې پاتې وو، خو وروستۍ لوبې ته په کتو ښه وځلېدل.
افغان فوټبال ملي لوبډلې له تېرو ۵ ورځو راهیسې په متحده عربي اماراتو کې تمرین پيل کړی او ويل کېږي تر دې وروسته به د افغان لوبډله د المپيک په رسمي لوبو کې ګډون وکړي.