تاند (سه شنبه د جوزا ۴) د ننګرهار ولایتي چارواکي وايي چې د ملي امنیت امنیت ځواکونو د انسان تښتوونکو هغه ډله نیولې چې ۴۵ ورځې مخې یې یو څلور کلن ماشوم یې تښتولی و.
د ننګرهار له مطبوعاتي دفتره په خپره شوې خبرپاڼه کې راغلي چې د انسان تښتوونکو دغې پنځه کسیزې ډلې د ماشوم تر تښتولو وروسته د هغه له کورنۍ ۲۰۰ زره پاکستانۍ کلدارې اخیستي او ماشوم یې ورته سپارلی و.
د خبرپاڼې له مخې نیول شوي کسان نظر ګل، نجیب الرحمن، عطاءالرحمن، رغزي ګل او اکرم نومیږي.
د چارواکو په خبره، دغه کسان په جلال اباد ښار، شینوارو، لعلپورې او مومندرې ولسوالیو کې نیول شوي او پخپلو جرمونو یې اعتراف کړی دی.