تاند ( دوشنبه، د جوزا ۳مه) د سرېلانکا او بنګله دېش د کرکټ ملي لوبډلو ترمنځ لومړۍ یو ورځنۍ لوبه بنګله دېش لوبډلې وګټله.
دغه لوبه د بنګله دیش په کوربه توب ترسره شوه.
پچه بنګله دېش وګټله او پخپله یې د توپ وهنې پرېکړه وکړه.
بنګله دېش په ټاکلو ۵۰ اورونو کې د ۶ لوبغاړو په سوځېدو يې ۲۵۷ منډې وکړې او سریلانکایي لوبډلې ته یې د ۲۵۸ منډو هدف وټاکه.
تمیم اقبال ۵۲، مشفیق الرحیم ۸۵ او محمودالله ۵۴ منډې وکړې .
سریلانکا ټاکل شوی هدف پوره نه شو کړای او د ټولو لوبغاړو په سوځېدو یې ۲۲۴ منډې وکړې او لوبه یې د ۳۳ منډو په توپير بایلوده.
سرېلانکا لپاره ونیندو هسرنګا ۷۴ او کوشل پریرا ۳۰ منډې وکړې.
د بنګله دیش له لوري په توپ اچونه کې مهدي حسن ۴، مستفیظ الرحمن ۳ او سیف الدین ۲ لوبغاړي وسوځول.
د یادونې ده چې د دواړو لوبډلو ترمنځ به دوهمه لوبه د سې شنبې په ورځ ترسره شي.