دوشنبه, جولای 22, 2024
Home+د کابل پوهنتون د کنفوسیوس پوهنځي له مشر محمد یوسف رهنورد سره...

د کابل پوهنتون د کنفوسیوس پوهنځي له مشر محمد یوسف رهنورد سره مرکه

ډیوه، پیکینګ

افغان کارپوه: د چين د کمونېست ګوند برياليتوبونه په بېلا بېلو برخو کې څرګند دي

په افغانستان کې د چين سفارت، د افغانستان او چين د دوستۍ ټولنې او د اوسنۍ نړۍ څيړنيز مرکز په ګډه د چين د کمونېست ګوند د جوړېدو د سلمې کاليزې د نمانځنې په پار د سولې او ګډو بحثونو تر عنوان لاندې سمينار تر سره کړ.

 د افغانستان د وريښمو لارې د څيړنيز مرکز منشي محمد يوسف رهنورد هم په دغه سمينار کې ګډون کړی و او له سمينار وروسته يې د چين د ميډيا ګروپ د اسيايي او افريقايي ژبو د مرکز د پښتو څانګې له خبريالې سره مرکه وکړه. 

ښاغلي محمد يوسف رهنورد د چين د کمونېست ګوند په مشرۍ د دغه هيواد د پرمختګ په هکله خپلې نظريې څرګندې کړې او ويې ویل، چې په تېرو سلو کلونو کې په تيره بيا د نوي چين  (۱۹۴۹م) له جوړېدو راهيسې د چين د کمونېست ګوند په سياسي او اقتصادي ساحو کې اغيزمن پلانونه عملي کړي، چې له امله یې په څه دپاسه نيمې پيړۍ کې دغه هيواد له يو بېوزلي هيواد څخه د نړۍ  دويم لوی اقتصاد ګرځيدلی دی.

د ده په نظر د چين سياسي مقام د پخوا له عاطل حالت څخه اوسمهال په نړيواله کچه ډېره اغيزه لري. هغه وويل، زما لپاره په تېرو سلو کلونو کې د چين د کمونېست ګوند برياليتوبونه د حيرانې وړ دي، دغه هيواد په ډيپلوماتيکو چارو کې اغيزمن سيستم لري او د هېواد په دننه کې يې د خلکو يووالی او اتحاد ساتلی دی، د خلکو د ګمارنې او کارونو زيات فرصتونه پيدا کوي، بېوزلي يې له منځه وړې ده او د اقتصادي پرمختګ راتلونکي لپاره مشخص پلانونه لري او داسې نورې ډېرې چارې يې يادولی شو.

چين په نړيوالو چارو کې د سوله ييز او ګډ پرمختګ پر اصل ټينګار کوي. د چين کمونېست ګوند او حکومت له نورو هېوادونو سره سيالي نه کوي، خپل پرمختګ او کورنيو چارو ته پاملرنه کوي او د همکارۍ او درناوي پر بنسټ له نورو هېوادونو سره ډيپلوماتيکې اړيکې جوړوي. د چين د کمونېست ګوند او حکومت داسې ځانګړتياوې او برياليتوبونه په زياتو بېلګو کې ليدلی شو.   

ښاغلي محمد يوسف رهنورد د چين د کمونېست ګوند او د چيني ولسونو تر منځ د اړيکو په اړه وویل، چې د چين کمونېست ګوند تل د خلکو ژوند او ګټو ته لومړيتوب ورکړی او ورکوي يې او د دغه ګوند لپاره تر ټولو مهم کار د خلکو امنيت دی. د بېلګې په توګه، د چين کمونېست ګوند د کرونا وبا له رامنځته کېدو راهيسې د خپلو فعاليتونو له لارې دا ثابته کړې، چې چين يو مسئولانه هېواد دی او دغه ګوند يو مسئولانه سياسي ګوند دی.

د چين کمونېست ګوند د دغې وبا د کنټرول لپاره ډېر چټک طبي سيستم جوړ کړ او د کرنتين په موده کې يې په منظم ډول اړوند خدمتونه ترتيب او په ټوله نړۍ کې يې اغيزمنه لاره وکاروله. که څه هم د کرونا وبا پر چيني اقتصاد هم منفي اغيزه کړې، خو د چين اوسني پرمختګ ته په کتو دا احساسولی شو، چې دغه ګوند د خلکو ژوند او امنيت ته لومړيتوب ورکړی او د خلکو د روغتيا ساتلو ترڅنګ یې خپلې اقتصادي چارې بيا سمسورې کړې دي. ټولې نړۍ د چين دغه برياليتوبونه ليدلي، د دغه هيواد په بېلا بېلو ځايونو کې کرونا وبا ښه کنټرول شوې او خلک عادي ژوند کوي.  

په ۲۰۲۰ کال کې د چين د اوسني معيار له مخې د ډېر بېوزلۍ حالت په پوره توګه له منځه وړل شوي او د بېوزلۍ له منځه وړلو کارونو پړاوويز هدف عملی شوی. ښاغلي محمد يوسف رهنورد په چين کې د بېوزلۍ د له منځه وړلو په پار وويل، چې د چين کمونېست ګوند د خلکو ژوند ته په درنه سترګه ګوري او خپلې چارې د خلکو د ژوند د ښه والي په هدف تر سره کوي. مثلا موږ ګورو، چې د چين کمونېست ګوند د بېوزلۍ له منځه وړلو په چارو کې ډېر زحمتونه ګاللي او په دې برخه کې يې څرګند برياليتوبونه تر لاسه کړي دي. 

هغه زياته کړه چې د چين کمونېست ګوند نه يوازې اوسني پرمختګ ته پام اړولی، بلکې د پرمختګ په ورته وخت کې يې چاپيريال ساتنې لپاره هم اړوندې تګلارې او طرحه عملي کړې دي. 

افغانستان اوسمهال سولې ته د رسيدو په کيليدی وخت کې دی او د امريکايي پوځ په مشرۍ نړيوال ائتلافي ځواکونه ترې وځي، خو له بلې خوا د دغه هېواد سوله هم له نويو ننګونو سره مخ ده.ښاغلي محمد يوسف رهنورد د افغان سولې په برخه کې له چين څخه مننه وکړه او ويې ويل، چې چين د افغانستان د سولې لپاره ډېر کارونه تر سره کړي دي.

هغه وويل، چين په منځنۍ او جنوبي اسيا کې مهم اغيز لري. چين تل دا ادعا کوي، چې د افغانستان برخليک بايد د افغانانو په لاس وټاکل شي، د افغانانو د مشرۍ او مالکيت درناوی بايد وشي او په سوله يیزه توګه بايد افغانان په خپله د ټول شموله حکومتوالۍ جوړښت پيدا کړي. نوموړي هیله وښوده، چې چين د افغانستان له سولې څخه دوامدار ملاتړ وکړي او په دې برخه کې مهم رول ولوبوي. 

LEAVE A REPLY

Please enter your comment!
Please enter your name here

- Advertisment -

ادب