تاند(شنبه، د ثور۲۵) د امریکا د کولمبیا پوهنتون څېړونکي د داسې کوچني چیپ په جوړولو بریالي شوي چې د پیچکارۍ په ستن د انسان بدن ته تزریق کېدای شي.
له دې سیستم یا چیپس څخه په لومړي پړاو کې د انسان د بدن د تودوښې د درجې او نورو طبي څېړنو لپاره کار اخیستل کېږي.
دا چیپ تر ۱.۰ ملي متر مکعبه کوچنی دی.
دا سیستم په حقیقت کې د دوړې هومره دی او یوازې په مایکروسکوپ لیدل کېدای شي.
څېړونکي وايي چې له دې چیپ څخه به په راتلونکې کې د وینې د فشار، د وینې د قند د اندازه کولو او د بدن د تنفسي جهاز د څېړلو لپاره کار واخیستل شی.