تاند ( پنج شنبه، د حمل ۱۹) پاکستان په دريمه نړيواله يو ورځنۍ لوبه کې سويلي افريقا ته ماتې ورکړه.
پاکستان په دې سره د ٣ نړيوالو يو ورځنيو لوبو لړۍ هم په خپل نوم کړه.
سويلي افريقا پچه وګټله او لومړى يې پاکستان ته د توپوهنې بلنه ورکړه.
پاکستان په ټاکلو ٥٠ اورونو کې د ٧ لوبغاړو په سوځېدو ٣٢٠ منډې وکړې، چې له ډلې يې فخر زمان ١٠١ بابر اعظم ٩٤ او امام الحق ٥٧ منډې وکړې.
د سويلي افريقا لوبډلې په ۵۰ ام اور کې خپل ټول لوبغاړي له لاسه ورکړل او یواځې یې ٢٩٢ منډې وکړې.
پاکستان دا لوبه د ٢٨ منډو په توپير وګټله.
سویلي افریقا لپاره ميلن ٧٠، کيلي ويريني ٦٢ او انډيل ٥٤ منډې وکړې.
د پاکستان له خوا شاهين شاه اپريدي او محمد نواز ٣-٣ لوبغاړي وسوځول.
د یادونې ده چې له دې لوبلړۍ وروسته د دواړو لوبډلو ترمنځ د نړيوالو شل اوريزو لوبو لړۍ هم ترسره کېږي.
د شل اوره لوبو د لړۍ لومړۍ لوبه يې د اپريل په ١٠مه نېټه ترسره کېږي.