تاند ( سه شنبه، د حمل ۱۰) د نیوزیلنډ او بنګله دېش کرکټ ملي لوبډلو ترمنځ د ۳ شل اوریزو لوبو د لړۍ دوهمه لوبه هم کوربه نیوزیلنډ وګټله.
دا لوبه نن ترسره شوه او نیوزيلنډ د DSL میتود له مخې بنګله دېش مات کړ او لوبلړۍ یې هم په خپل نوم کړه.
په دې لوبه کې نیوزیلنډ لومړی توپ وهنه وکړه او د پنځوو لوبغاړو په سوځېدو يې په ۱۸ اورونو کې ۱۷۳ منډې جوړې کړې.
د لوبې پرمهال باران پيل شو خو له باران ووروسته بنګله دېش ته په ۱۶ اورونو کې ۱۷۱ منډو هدف وټاکل شو.
بنګله دېش د اوو لوبغاړو په سوځېدو ۱۴۲ منډې جوړې کړې او لوبه یې د ۲۸ منډو په توپیر بایلوده.
د یادونې ده چې له دې وړاندې لومړۍ لوبه هم نیوزیلنډ لوبډلې ګټلې وه.
د یادو دواړو لوبډلو تر منځ به وروستۍ شل اوریزه لوبه د اپریل میاشتې په لومړۍ نېټه تر سره شي.