تاند (جمعه. د ثور ۲۶) د لوګر امنیتي چارواکي وايي چې نن شپه د ولایت يه مرکز پُل علم کې دوه ځانمرګي مخکې تر دې ووژل شول چې هدف ته ځان ورسوي.
د لوګر د امنیه قوماندانۍ ویندوی شاهپور احمدزي تاند ته وویل چې د شپې په ۹ بجې پولیسو دوه تنه انتحاریان، چې پر موټرسایکل سپاره ول، تعقیب کړل او د ښار د پولیسو لومړۍ حوزې ته تر داخلېدو وروسته یې په نخښه کړل او ویې وژل.
د ښاغلي احمدزي په وینا انتحاریانو غوښتل چې انتحاری برید وکړي خو د هغو د وژلو له کبله ملکیانو او پوځیانو ته هیڅ راز مرګ ژوبله وانه اوښته.
تراوسه پورې د دولت وسله والو مخالفانو د دې ادعا په اړه څه نه دي ویلي او د لوګر ولایتي چارواکو هم نه دي ویلي چې وژل شوي مشکوک انتحاریان په کومې ډلې بورې تړاو لري.
په وروستیو کې د دولت وسله والو مخالفانو پر ښاري سیمو بریدونه یو وار بیا زیات کړي دي.
د امریکا او طالبانو د فبرورۍ د ۲۹ نېټې له موافقې وروسته طالبانو پر لویو ښارونو بریدونه درولي وو خو پر ځای یې په ولسوالیوړ کې حملو ته شدت ورکړی وو.
د سې شنبې په ورځ (مې ۱۲) د ننګرهار په ښېوې ولسوالي او د کابل د برچي پر روغتون دوو بردونو ۵۷ تنه ووژل.
له دغو حملو وروسته د افغانستان ولسمشر امنیتي ځواکونو ته د تعرضي بریدونو امر وکړ.
دا رقم ماهر پولیس د قدر وړ دی په مور او پلار یی رخمت او شاباس۰
لازم بولم داسی ځوانان ونازول شی۰
ولی دا دی چه دشمن ملا ماتی کوی –
ژوندی اوپیاوزی دی وی دا د وطن او ناموس ساتونکی قهرمانان
زمونږد ملي امنیتي ارګانو اتلان او غازیان د ژوندي وي چې خوارج یې په خپل وخت کې پېژندلي او د دوزخ ټیټې کندې ته یې ور غوځار کړیدي.