په افغانستان کې د وزلوبې”بزکشۍ” لیګ دويم پړاو لوبې د روانې حوت میاشتې په ۱۵ نېټه پيلېږي.
د مسوولانو په خبره په دې لوبو کې د هېواد ۱۶ لوبډلې په خپلو کې سره سیالۍ کوي.
د افغانستان ملي تلوېزیون ویلي، د بزکشۍ له فدراسیون سره په همغږۍ یې د کورونا وېروس د خپرېدو له وېرې او د وګړو د خوندیتوب پخاطر یې د وزلوبې لیګ سیالۍ لغوه کړې دي.
د دویم پړاو وزلوبې د قرعه کشۍ مراسم تېر ماښام ترسره شول.
د دې لوبو په (الف) ګروپ کې کندهار ، پنجشېر، او پروان له بدخشان سره لوبېږي ، په (ب) ګروپ کې بیا تخار له نورستا او کابل له لوګر سره په (ج) ګروپ کې بامیان له سمنګان او کندز له ننګرهار سره لوبېږي او دغه راز په ( د) ګروپ کې بیا بغلان له سرپل او بلخ له هرات ولایت سره لوبېږي.
د وزلوبۍ لومړی پړاو سیالۍ تېرکال د کورونا د خپرېدو له وېرې لغوه شوې.
وزلوبه د افغانستان د لرغونو لوبو له ډلې څخه ده چې شاوخوا درې کاله وړاندې وزلوبه په افغانستان کې په رسمي توګه د دغه هېواد د اولمپیک د ملي کمېټې له خوا د یوې ملي لوبې په توګه ثبت او د وزلوبې فدراسیون رامنځته شو.
وز لوبه خورا لګښتي، خو پخوا د بې وزلو، بزګرو او شپنو لوبه وه.