تاند ( سې شنبه، د دلوې ۲۸) د هندي اداکارې شلپا شیټي خاوند د فحشا فلمونو جوړولو لپاره د یوې ډلې د چلولو تور پورې شوی دی.
هندي رسنیو خبر ورکړی چې څو ورځې وړاندې د ممبۍ پولیسو په یوه وېبپاڼه کې د فحشا فلمونو د اپلوډ کولو لپاره دا مشهوره اداکاره او د هغې خاوند نیولي دي.
یوې بلې هندي اداکارې ساګیرکا شونا د دې مشهوره هندي اداکارې شلپا شیټي پر مېړه راج کندهرا باندې د فحشا فلمونو د ډلې چلولو او په وېبپاڼه کې د لوڅو او نیمه لوڅو فلمونو د نشرولو تورونه پورې کړي دي.
په یوه مطبوعاتي کنفرانس کې اداکارې ساګیرکا سونا وویل، د فحشا فلمونو جوړولو په تور د پولیسو لخوا نیول شوی سړی د مشهور سوداګر راج کندهرا همکار دی.
د شلپا شیټي مېړه راج کندهرا د فحشا فلمونو جوړولو ترشا لاس لري، نو هغه نیول شوی او دا وخت د پولیسو په بند کې دی.
تر اوسه پیاوړې اداکارې شلپا شیټي د دې تورونو او د خاوند د بندي کېدو په اړه څه نه دي ویلي، خو د هندي فلمي ستورو، په خاصه توګه د ښځینه طبقې تر منځ یې وخت نا وخت پر یو بل داسې تورونه پورې کېږي.