تاند ( یک شنبه، د دلوې ۲۶) افغان ځواکونو په لوګر ولایت کې د وسله والو طالبانو ۸ ماین خښونکي وژلي دي.
د یاد ولایت د امنیه قوماندانۍ ویاند شاپور احمدزی وایي چې، افغان ځواکونو تېره شپه پر هغو وسله والو طالبانو برید کړی چې غوښتل یې د برکي برک ولسوالۍ په کاکو زیارت سیمه کې ماینونه ځای پرځای کړي.
احمدزی زیاتوي چې یاد کسان د افغان ځواکونو د هوايي برید په پایله کې وژل شوي دي.
احمدزی زیاتوي چې دغه راز په دې برید کې ۴ نور ماین خښوونکي ټپيان شوي هم دي.
بل لورته وسله والو طالبانو تر اوسه په دې اړه رسنیو ته څه نه دي ویلي .
د یادونې ده چې په دې وروستیو کې په هېواد کې جګړې زور اخیستی او هره ورځ د جګړې لوري یو بل ته د درنې مرګ ژوبلې اړولو ادعا کوي.