تاند (سه شنبه د دلوې ۱۴) د پروان د امنیه قومندانۍ د سرپرست په موټر مقناطیسي ماین چاودنه کړې ده.
د پروان د امنیه قومندانۍ سرپرست عبدوالواسع رحیمي وايي چې دغه پېښه نن سهار شاوخوا ۸:۳۰ بجې ددې ولایت د مرکز چاریکار ښار، اتمې ناحیې اړوند په څلوېښت متره سړک کې رامنځته شوې ده.
د ښاغلي رحیمي په خبره په دې پېښه کې کوم چاته زیان نه دی رسېدلی خو د نوموړي موټر تخریب شوی دی.
د یادونې وړ ده چې تېره اونۍ د پروان د لویې لارې د قوماندان په موټر هم مقناطیسي ماین چاودنه کړې وه.
د وروستیو امنیتي پېښو په ډېرېدو سره د پروان د خلکو اندېښنې زیاتې شوي دي.