تاند ( سه شنبه، د دلوې ۱۴) د متحده عربي اماراتو په لس اوره سوداګریزو سیالیو کې د دکن ګلېډېټرز او ډیلي بولز لوبډلو ترمنځ لوبه ترسره شوه.
د دې لوبې پچه د رحمن الله ګربز اړوند ډیلي بولز لوبډلې وګټله او توپ اچونه يې غوره کړه.
دکن ګلېډېټرز په ټاکلو ۱۰ اورونو کې د ۷ لوبغاړو په سوځېدو ۱۱۸ منډې وکړې.
د دکن لوبډلې لپاره پولارډ ۴۷ اعظم خان ۲۲ محمد شهزاد ۱۳ او شرف الدین اشرف ۱۱ منډې وکړې.
ډیلې بولز لوبډلې ټاکل شوی هدف په ډېرې اسانۍ په نهم اور کې پوره او لوبه یې د ۸ لوبغاړو په شتون کې وګټله.
رحمان الله ګربز په دې لوبه کې یو ځل بیا ښه وځلېده چې د دکن ګلیډیټرز پر وړاندې یې ډیلي بولز لوبډلې ته په چټکه توپوهنه بریا ورپه برخه کړه.
رحمن الله ګربز ۴۷ ایون لیویس ۳۵ او شیرفان رودرفورډ ۲۸ ناسوځېدلې منډې وکړې.
د لوبې د غوره لوبغاړی علي خان وټاکل شو.