تاند ( یک شنبه، د دلوې ۱۲) د کندهار ولایت امنیتي چارواکي د لسګونه طالبانو د مرګ ژوبلې ادعا کوي.

د یاد ولایت امنیه قوماندان تادین خان وايي، ارغنداب ولسوالۍ کې یې د هوايي او ځمکنیو عملیاتو پر مهال ۳۹ وسله وال طالبان وژلي او ۵ نور یې ټپیان کړي دي.

تادین خان وایي په ارغنداب ولسوالي کې د افغان ګډو ځواکونو  پرمختګ کړی او د دې ولسوالۍ له ناګهان، کوهک، جوی لاهور، شوهین او یو شمېر نورې سيمو څخه یې طالبان پر شا کړي دي.

بل لورته وسله والو طالبانو تر اوسه په دې اړه څه نه دي ویلي.

د یادولو ده چې په ارغنداب ولسوالۍ کې د جګړو له امله د سلګونه کورنیو ژوند تريخ دي.

ځایي خلک وایي ډېری خلک له خپلو مېنو وتښتېدل او ګڼ نور هم هڅه کوي دا سیمې د جګړو له وېرې پرېږدي.

https://taand.net/%da%a9%d9%86%d8%af%d9%87%d8%a7%d8%b1-%da%a9%db%90-%d8%af-%d8%ac%da%ab%da%93%d9%88-%d9%84%d9%87-%d9%88%db%90%d8%b1%db%90-%d8%b2%d8%b1%da%ab%d9%88%d9%86%d9%87-%da%a9%d9%88%d8%b1%d9%86%db%8c%d9%88-%d8%ae/