تاند (شنبه، د دلوې ۱۱) د سویلې افریقا او پاکستان ښځېنه کرکټ ملي لوبډلو تر منځ د افریقا په کوربتوب د ۳ شل اوريزو سیالیو لومړۍ لوبه افریقا لوبډلې د ۸ ویکټو په توپير وګټله.
دا لوبه پرون د جنورۍ په ۲۹مه نېټه تر سره شوه.
په دې لوبه کې لومړی توپ وهنه پاکستانۍ ښځېنه کرکټ لوبډلې وکړه چې د ۸ لوبغاړو په سوځيدو يې په پوره شل اورونو کې مقابلې لوبډلې ته د ۱۲۸ منډو هدف ورکړ.
په مقابل کط افریقا ښځېنه لوبډلې ټاکل شوی هدف د لوبې په ۱۹م اور کې د دوو ویکټو په زیان پوره کړ.
افریقا ښځینه لوبډلې له پاکستان نه د پنځوس اوريزو سیالیو وروسته لومړۍ شل اوريزه سیالي هم وګټله.
له دې وړاندې د دواړو لوبډلو ترمنځ درې پنځوس اوره سیالۍ ترسره شوې چې په کې پاکستان وایټ واش شوه.
د درېو پنځوس اوريزو سیالیو سیریز افریقا درې د صفر په مقابل کې ګټلی.