تاند (یکشنبه د دلوې ۵) د افغانستان د بهرنیو چارو وزارت وايي چې دوی د هغو ۲۱ افغانانو په راخوشې کولو بریالي شوې دي چې له څه مودې راهیسې په دوبۍ کې د بېلابېلو جرمونو په تور زنداني و.
ددې وزارت له لوري نن شنبه په یوه اعلامیه کې راغلي، دا کسان په دوبۍ کې د افغانستان د جنرال کونسلګرۍ په هلو ځلو راخوشې شوي دي.
په اعلامیه کې دغه راز زیاته شوې چې دا کسان نن د افغان دولت په مالي ملاتړ بېرته هېواد ته راستانه شوي دي.
سرچینې ویلي چې په تېرو څو میاشتو کې د دوبۍ له زندانونو څخه ټولټال ۲۱۰ زندانیان خلاص او هېواد ته راستانه شوي دي.
خو د افغانستان د بهرنیو چارو وزارت دا نه دي ویلي چې یاد کسان په کومو جرمونو بندیان و.
هغه افغانان چې د باندنیو هېوادونو په بندونو کې شپې ورځې تېروي تر اوسه یې پوره شمېر نه دی په ډاګه شوی.
د یادونې وړ ده چې څه موده وړاندې سعودي هم له خپلو زندانونو څخه هغه افغان بندیان خوشې کړل چې د پولیسو له لوري نیول شوي و.