تاند (پنج شنبه، د جدي ۲۵) په کندهار ولایت کې شپږ پاکستان د جاسوسۍ په تور نيول شوي دي.
د یاد ولایت د پولیسو ویاند جمال ناصر بارکزی وايي نیول شوي شپږ کسان یې سپین بولدک ولسوالۍ کې نیولي دي.
بارکزی زیاتوي چې د پولیسو لومړنیو څېړنو ښودلې چې نیول شویو کسانو کې یې څلور تنه د پاکستان برحاله پولیس او دوه نور یې بیا د دغه هېواد استخباراتي ادارې اړوند کار کوونکي دي.
نوموړی زیاتوي چې دغه کسان د کندهار سپین بولدک ولسوالۍ وېش بازار ته د موټرو اخیستلو په پلمه د کرښې دې غاړې ته را اوښتي وو.
دا لومړی ځل نه دی چې پاکستاني اتباع د ورانکاره کړنو په تور نيول کېږي له دې وړاندې هم ګڼ کسان په دې تور نیول شوي دي.
د عاموخلکو په باور افغانستان کې روانه جګړه د پاکستان له لوري توده شوې او د دوی په خبره پاکستان نه غواړي افغانان ارامه ژوند ولري.
بل لورته افغان سیاسیون هم په افغان سوله کې د پاکستان پر نیت تل شک ښودلی او ویلي یې دي چې دوی د خپلو موخو لپاره افغان حکومت سره له غولوونکي چلند نه کار اخلي.
د تادین خان په زندان کیدی زندانی وساتل شی چی تادین ورڅخه ګټه واخلی. غنی او کابل ته یی مسپاری چی بیرته یی یله کوی.