تاند (شنبه، د جدي ۲۰) د بدخشان په واخان ولسوالۍ کې د ملي دسترخوان د پروګرام له پیسو څخه ۳۱۴ زره افغانۍ غلو وړي دي.
د یاد ولایت چارواکي وایي، چې د واخان ولسوالۍ د فطور کلي د ملي دسترخوان له بودیجي څخه ۳۱۴زره افغانۍ غلو وړې دي، چې په تور یې د یاد کلي د شورا رئیس او خزانه دار نیول شوي دي.
د چارواکو په خبره دغه پیسې د یاد کلي د شورا رئیس او خزانه دار ته ورکړل شوې وې، خو دوی وایي، چې پیسې ورڅخه د شپې په تیاره کې د وسله والو کسانو لخوا اخیستل شوي دي.
د بدخشان امنیتي چارواکي وایي، چې نیول شوي کسان اوس مهال تر پوښتنو لاندې دي.