تاند ( پنج شنبه، د جدي ۱۸) د پاکستان سوپر ليګ ۶ م پړاو لپاره ګڼو افغان لوبغاړو نومليکنه کړې ده.
په دې نوملړ کې د راشد ، نبي او مجيب په ګډون ٣٥ افغان لوبغاړي شامل دي.
د راپورونو له مخې د پاکستان سوپرلیګ یا پي اېس اېل لوبو ته تر ۴ سوو زیاتو بهرنیو لوبغاړو نوم لیکنه کړې ده.
په دې کې تر ټولو زيات لوبغاړي د ويسټ انډيز او انګلستان دي.
د پاکستان کرکټ بورډ مخکې د پلاټينيم کټګورۍ لوبغاړو لېست خپور کړی وو چې په کې راشد خان، محمد نبي او مجيب الرحمن هم شامل و.
د پاکستان سوپرليګ راتلونکي پړاو ته د جنورۍ په ١٠مه نېټه د پاکستان په لاهور ښار کې د ډرافټ مراسم ترسره کېږي چې ۶ لوبډلې به پکې د خپلې خوښې لوبغاړي واخلي.