تاند(دوشنبه، د جدي ۱۵) د کابل ښاروالي وایي، په کابل ښار کې به د سړکونو پر سر کانکرېټي دېوالونه له منځه یوسي ترڅو د خلکو د تګ راتګ لپاره اسانتیا رامنځته شي.
د کابل ښاروالۍ په خبرپاڼه کې راغلي، د دریمې ناحیې اړوند د ستر جنرال جمعه خان همدرد اړوند کانکریټي خنډونه په کمه کچه تنظیم شوي دي، خو لا يې هم د سړکونو یو شمیر برخې بندې کړې دي.
په خبرپاڼه کې زیاته شوې، کوم کسان چې په بیلابیلو ناحیو کې د کانکریټي دیوالونو په وسیله د پلو لارو او سړکونو د بندیدو لامل ګرځیدلي، خپله يې د دې دیوالونو کې اقدام وکړي او خپل اړوند دیوالونه خپلو ملکیتونو ته ولیږدوي.
د کابل ښاروالۍ د ناقانونه او له ښاري اصولو سره په خلاف چې کوم کانکریټي دیوالونو دي ورته یې د رسیدنې ژمنه وکړه.
دغه راز ښاروالې سړکونه چې بند دي د خوشې کیدو په اړه یې ښاریانو ته خبر ورکړ او ټینګار يې وکړ چې دا سړکونه او پلونه عامه ملکیتونه دي او ټول ښاریانو پورې اړه لري.