تاند(پنج شنبه، د جدي ۱۱) د ملي دفاع وزارت وايي، د هلمند ولایت په ناوې ولسوالۍ کې د یوه هوایي برید په ترڅ کې ۲۸ طالبان وژل شوي دي.
د ملي دفاع وزارت په خبرپاڼه کې راغلي، د هلمند په ناوې ولسوالې کې پرون په یوه هوايي برید کې ۲۸ طالبان وژل شوي او د قومندان په شمول یې ۱۰ نور کسان ټپیان شوي دي.
خبرپاڼې زیاته کړې ده، چې طالبانو هوډ درلود پر ملي امنيتي ځواکونو برید وکړي چې د یادو ځواکونو لخوا موخه وګرځول شول او دغه راز د طالبانو د بمونو او وسلو یوه ذخیره يې هم له منځه یووړه.
دا په داسې حال کې ده چې په هلمند ولایت کې نږدې هره ورځ د امنیتي ځواکونو او طالبانو ترمنځ نښتې رامنځته کيږي.
دغه راز ۱۰ ورځې مخکې هم په دې ولایت کې د امنیتي ځواکونو او طالبانو په نښته کې ۱۶ طالبان وژل شوي وو.
وسلهوالو طالبانو تراوسه په دې اړه څه نه دې ویلي.