تاند (پنجشنبه، د جدي ۱۱) د افغانستان د کرکټ د ملي لوبډلې لوبغاړی مجیب الرحمن ځدراڼ په یوه ټوېټ کې ویلي چې د ډسمبر ۳۰ زما لپاره یوه تاریخي ورځ وه.
هغه چهارشنبه د دسمبر ۳۰ مه د استراليا په بېګ باش سیالیو ۲۰مه لوبه کې د ۴ اورونو په ترسره کولو ١۵ منډې ورکړې او ۵ لوبغاړي یې وسوځول.
مجیب په بېګ باش سوداګریز لیګ کې دبرېسبين هېټ لپاره لوبېږي.
دی وایي دا ورځ به یې هېڅکله هېره نشي.
د مجیب د تېرې ورځ توپ اچونه په ټوله نړۍ کې دکرکټ د مینه والو له لوري وستایل شوه.
هغه له خپلو مينه والو هم مننه کړې ده چې د هغه ملاتړ کوي او مينه ورکوي.
مجیب الرحمن په تېره لوبه کې د خپلې غوره توپ اچونې له امله د غوره لوبغاړي جايزه هم واخیسته.