تاند ( شنبه، د قوس ۲۹) د چاپېریال ساتنې ملي ادارې د هغو فابریکو د تړلو ګواښ کړی چې د هوا د ککړتيا لامل دي.
یاده اداره وايي دوی پرېکړه کړې چې هغه فابريکې به وتړي کوم چې معیاري سون توکي نه کاروي او یا یې فلټرونه نه دي لګولي.
سرچینه وایي د کورنیو چارو وزارت سره په همغږۍ به د تېر ژمي په څېر د هغو کسانو او ادارو پر ضد چې چاپریال ته زیان رسوي قانوني چلند وکړي.
دا په داسې حال کې ده چې هر کال د ژمي په راتګ سره د هېواد په سړو سیمو کې د هوا د ککړتيا شکایتونه ډېرېږي.
کابل ښاریان وايي حکومت د هوا د ککړتیا په مخنیوي کې کوټلي ګامونه نه دي اخیستي.
دوی وایي د جګړې سربېره د هوا ککړتيا هغه لوی ګواښ دی چې تر ډيره یې د خلکو ژوند له ګواښ سره مخ کړی.
د معلوماتو له مخې په ټوله نړۍ کې د ککړې هوا له کبله هر کال ۷ میلیونه کسان خپل ژوند له لاسه ورکوي.
روغتياپالان بیا د هوا ککړتيا تر بل هرڅه د ژونديو موجوداتو پر وړاندې لوی ګواښ بولي.
دوی وایي د مرګ سربېره ښايي ډېري به مرګونې ناروغيو هم له همدې امله اخته شي چې بیا به یې درملنه ناشونې وي.
د الله بنده ګانو تړي څه مانا خو ویې تړئ چي ژمی تیر شي بیا خو اړتیا نشته!!