تاند(سې شنبه، د قوس۱۸) هغه امریکايي پېلوټ چې ۷۰ کاله پخوا یې د بشر په تاریخ کې د لومړي ځل لپاره تر ږغ چټک الوت کړی و، د ۹۷ کلونو په عمر ومړ.
چاک ییګر د دوهمې نړیوالې جګړې په مهال پېلوټ و خو په ۱۹۴۷ م کال، چې ۲۴ کلن و، د لومړي ځل لپاره په بیل ایکس 1 کشافه الوتکه کې یې تر ږغ چټک الوت وکړ او په یو ساعت کې یې ۱۲۲۵ کیلومتره مزل وکړ.
د ده مېرمنې ویکتوریا ییګر پرون دوشنبه پر خپله ټویټرپاڼه ولیکل چې ژوند – شریک یې تېره شپه شاوخوا ۹ بجې سا پرې کړه.
تر ږغ چټک پرواز د امریکا له فضايي تحقیقاتي ادارې سره په فضايي سفرونو کې د پام وړ مرسته وکړه.
د پاڼې د درنو چلوونکو د پام وړ! لکه څرنګه چې تاسو ښه پوهېږئ، په ګرامر کې فعل د مصدر څخه اخستل او کارول کېږي. یعنې دا چې هر فعل باید یو مصدر ولري. د بېلګې په توګه تاسو او د بي بي سي ځیني لیکوالان کله کله د یو چا د مړینې په هکله لیکي چې فلانی د….. په عمر (ومړ). لطفاً دا راته واضح کړئ چې دا د (ومړ) فعل تاسو له کوم مصدر څخه اخلئ؟ که ولیکو چې ….. مړ شو. بیا خو معلومه ده چې مصدر یې مړکېدل دی. ما چې هر څومره فکر ورباندې وکړ، د (ومړ) لپاره مې مصدر پېدا نکړ. مننه
١٢٢٥ کلومیتره پهٔ ساعت کې خو د ژغ نه تیز نه دی
دا وګورئ
https://www.nasa.gov/audience/forstudents/5-8/features/nasa-knows/what-is-supersonic-flight-58.html
او یا د سوپرسانیک یا تر ږغ تېز سرعت په اړه دا مطلب ولولئ
https://www.nasa.gov/audience/forstudents/5-8/features/nasa-knows/what-is-supersonic-flight-58.html