تاند (سه شنبه د قوس ۱۱) افغان حکومت وايي موږ هېڅکله د سولې خبرو مخنیوی نه دی کړی، بلکې داسې ډلې ته مو امتیازات ورکړي چې په رسمیت مو نه پېژني.

په ستراتیژیکو چارو کي د ولسمشر اشرف غني ځانګړي سلاکار وحید عمر دغه څرګندونې نن سه شنبه کړي او زیاته کړې یې ده چې په ټوله نړۍ کې به هیڅ داسې حکومت نه وي چې یوې جنګي ډلې ته دومره امتیازات ورکړي.

نوموړي پر خپله ټوېټرپاڼه لیکلي، افغان حکومت د سولې په لاره کې پراته خنډونه لرې کړي، خو ددې لپاره چې طالبان امتیازات تر لاسه کړي تاوتریخوالی او جګړه لا پسې زیاته کړي دي.

We haven’t stalled the negotiations. On the contrary, we have given concessions that no gov in the world would give to a group who isn’t even ready to recognize us as a gov; relies on killing people to ask for more concessions and thinks violence and terror works in their favor.

— Waheed Omer (@Waheed_Omer) December 1, 2020

خو هغه د افغان حکومت له خوا طالبانو ته د ورکړل شویو امتیازاتو په هکله څه نه دي ويلي.

وحید عمر دغه خبرې وروسته له هغه کوي چې نیویارک ټایمز په خپل راپور کې ویلي و چې د افغانستان ولسمشر د سولې په خبرو کې له پرمختګ سره سره خنډونه پېښوي.

نیویارک ټایمز وايي، يه وروستیو ورځو کې د پاکستان، امریکا او قطر د فشار په نتیحه کې په قطر کې د دواړو خواوو مرکچیانو ومنله چې د امریکا او طالبانو موافقه دې په اجنډا کې ومنل شي خو ولسمشر غني له دې خبرې سره موافق نه دی.

https://taand.net/%d8%af-%d8%a7%d9%81%d8%ba%d8%a7%d9%86%d8%b3%d8%aa%d8%a7%d9%86-%d8%ad%da%a9%d9%88%d9%85%d8%aa-%d8%af-%d9%86%db%8c%d9%88%db%8c%d8%a7%d8%b1%da%a9-%d9%bc%d8%a7%db%8c%d9%85%d8%b2-%d8%b1%d8%a7%d9%be%d9%88/

د نیویارک ټایمز ورځپاڼې د راپور په اړه د ولسمشر ویاند صدیق صدیقي پرون دوشنبه په خپله ټویټرپاڼه لیکلي چې ولسمشر د سولې خبرو ته ژمن دی او په دې برخه کې یې زیاتې اسانتیاوې برابرې کړي دي.

دا په داسې حال کې ده چې روانه اونۍ د افغان دولت او طالبانو مرکچي ډلو د مذاکراتو د طرزالعمل په ۲۱ مادو کې د هوکړې خبر ورکړ.

په قطر کې د تېرې سپټمبر میاشتې په ۱۱مه نېټه د افغان حکومت او طالبانو د مذاکراتي ټیمونو تر منځ مخامخ خبرې پیل شوې، خو د شاوخوا دوه میاشتو په تېرېدو سره کومې مثبتې پایلې ته نه دي رسېدلي.