تاند(سه شنبه، د قوس ۱۱) عرب نیوز نشریې په یوه مطلب کې په افغانستان کې وروستیو تحولاتو او د ایران هڅو ته اشاره کړې ده.
دغه نشریه لیکي ایران له ټولو ممکنو لارو هڅه کوي چې په افغانستان کې نفوذ ولري او اوس غواړي واک ته د طالبانو د رسېدو له لارې په دغه هېواد کې د عراق، سوریې او نورو سیمه ییزو هېوادونو په څېر بشپړه مداخله ولري.
سرچینه دغه راز وايي چې ایران له طالبانو سره پراخې اړیکې لري، په افغان حکومت کې د نفوذ په لټه کې دی او ددغه هېواد د سپاه پاسدارن ځینو غړو د ديپلوماتانو تر نامه لاندې په افغانستان کې ماموریت ترسره کړی دی.
عرب نیوز وایي نړیوال باید په سیمه کې د ایران تحرکاتو ته متوجه وي او د پرمختګ مخه یې ونیسي.
دا لومړی ځل نه دی چې په افغانستان کې د ایران د لاسوهنې خبره کیږي بلکې له دې وړاندې هم څو څو ځله یاد هیواد په افغانستان کې لاسوهنه باندې تورن دی.
تر اوسه ایران د دغه نشریې په اړه کوم څه ویلې نه دي.