تاند (یکشنبه د قوس ۹) د زابل د ولایتي شورا پر رئیس په موټر بم حمله کې د مړو شمېر یو او د ټپیان شمېره ۲۲ کسانو ته رسیدلې.
د زابل د والي ویاند ګل اسلام سیال وايي، نن لس بجې د دې ولایت د ولایتي شورا ریس عطا جان حقبیان له کوره دندي ته پر لاره وو چې ټونس ډوله موټر ورباندي چاودنه کړې .
د سیال په وینا په چاودنه کې نوموړی د خپلو دوو ساتونکو سره ټپي شوي.
بلخوا د زابل د ولایتي روغتون مشر محمد داود مجیدي ویلي چې د پیښي له ځایه روغتون ته یو مړ او ۲۲ ټپیان وروړل شوي چې ډیره برخه یې ملیکان دي.
پخواني معلومات:
د زابل د ولایتي شورا د رئیس په موټر چاودنه شوې
د والي ویاند ګل اسلام سیال وايي، نن لس بجې د دې ولایت د ولایتي شورا د رئیس عطاجان حقبیان په موټر هغه مهال چاودنه شوې چې له کوره دندې ته پر لاره و.
د ښاغلي سیال په وینا په چاودنه کې د حقبیان په ګډون ۳ کسان ټپيان شوي دي او بل چاته پکې زیان نه دی اوښتی.
بلخوا د زابل روغتیايي چارواکي وايي چې د پېښې له ځایه دوی ته ۱۱ ټپیان ور وړل شوي دي.
تر اوسه د برید مسؤلیت کومې ډلې نه دی منلی.