تاند (پنجشنبه د قوس ۶) د افغانستان د ملي دفاع وزارت وايي، افغان ځواکونو په کندهار کې پر طالبانو هوايي برید کړی او د دغه ډلې ۱۵ غړي یې وژلي دي.
د دفاع وزارت په خبرپاڼه کې راغلي، طالبانو د پنجوايي ولسوالۍ په یار کلا سیمه کې د امنيتي ځواکونو پر پوستو بریدونه وکړل چې د هوايي برید ښکار شول.
د خبرپاڼې د معلوماتو له مخې په دغه برید کې ۱۵ طالبان وژل شوي او څلور نور ټپیان دي.
د ملي دفاع وزارت وايي په یاد برید کې ددغې ډلې شپږ پتنځاینونه هم له منځه وړل شوي دي.
طالبانو تر اوسه په دې هکله څه نه دي ویلي.