تاند( یک شنبه، د قوس ۲) د پاکستان د کرکټ بورډ اجرائيوي مشر وسيم خان وايي؛ د افغانستان ملي لوبډلې ته به پاکستان ته د ورتګ بلنه ورکړي.
پاکستاني رسنۍ د وسيم خان له قوله وايي چې، د پاکستان لومړي وزيرعمران خان د افغانستان ملي لوبډلې ته د پاکستان بلنه ورکړې ده.
هغه وويل، چې پاکستان ته د افغانستان ملي لوبډلې د ورتګ لپاره به يوه لاره راپېدا کړي او ژر به د افغانستان کرکټ بورډ سره په دې اړه خبرې هم وکړي.
وسيم خان زياته کړې، چې لومړي وزير عمران خان افغانستان ته په خپل سفر کې د افغانستان ملي لوبډلې سره هم ليدلي و او هغوى ته يې د پاکستان ته د راتګ بلنه ورکړې وه.
د افغانستان کرکټ بورډ تراوسه په دې اړه څه نه دي ویلي.
دغه راز د افغانستان مخکښ ورو توپ اچونکي راشد خان هم په يو ټويټ کې ويلي، هيله من دى چې يوه ورځ د افغانستان او پاکستان ملي لوبډلې د يو بل کوربه توب وکړي.
پنجابستان کی اوس مهال نړیوال کریکټ نه کیږی ځکه چی نړیوالی لوبډلی هلته امنیتی ستونزی وینی او له ورتګ څخه ډډه کوی، پنجاب غواړی چی د افغان لوبډلی کوربه توب وکړی او داسی وښیی چی دلته امن ښه دی او نوری لوبډلی هم ور وغواړی، د افغانستان کریکټ بورډ باید لومړی د پنجاب لوبډله میلمنه کړی که هغوی راغلل بیا دی افغان لوبډله هم ورشی