تاند( یک شنبه، د قوس ۲) رويټرز د ځینو بهرنیو ډيپلوماټانو له قوله لیکلي چې په جېنېوا کنفرانس کې به افغانستان سره مرستې ۱۵-۲۰ سلنې راکمې شي.
ډیپلوماټانو همداراز ویلي، له کنفرانس وروسته به د افغان سولې خبرو کې هم ښه پرمختګ رامنځته شي.
په دې کنفرانس کې د ګډون لپاره د مالیې وزیرعبدالهادي ارغندیوال او د بهرنیو چارو وزیر حنیف اتمر؛ هم سویس ته تللي دي.
ټاکل شوې چې سبا ته په سویس کې د افغانستان په اړه د جینوا د ۲۰۲۰م کال کنفرانس برابر او تر سې شنبې دوام وکړي.
جینوا کنفرانس کې چې د افغانستان لپاره ستر اهمیت لري، تمه ده چې یو شمېر هېوادونه او نړیوال سازمانونه به له افغانستان سره د راتلونکو څلورو کلونو لپاره د مالي مرستو او سیاسي ملاتړ ژمنې اعلان کړي.