تاند (پنجشنبه د عقرب ۲۲) ولسمشر اشرف غني وایي دښمن هڅه کوي د بیان پر ازادۍ د بریدونو له لارې د ولس رسا غږ خاموشه کړي او په دې توګه خپل جنایتونه پټ کړي.

د ارګ له لوري په خپره شوې خبرپاڼه کې راغلي چې ولسمشر غني په هلمند کې د آزادي راډیو پر خبریال الیاس داعي شوی برید په کلکو ټکو غندلی او د هغه له کورنۍ سره یې غمشریکي ښودلې ده.

ښاغلي غني ویلي د بیان ازادي د دولت لویه لاس ته راوړنه ده خو ترهګرې ډلې غواړي په ورته بریدونو سره د حقایقو د ښکاره کېدو مخه ونیسي او پر خپلو جنایتونو پرده وغوړوي.

نوموړي دغه راز زیاته کړې ترهګرې ډلې د دا ډول بریدونو په وسیله د ولس غږ نه شي چوپ کولی او ټینګار یې کړی چې د بیان ازادۍ لویه لاس ته راوړنه په درنو قربانیو ترلاسه شوې ده چې حکومت یې هر اړخیزه ساتنه کوي او لا ودې ته یې ژمن دی.

بل خوا د خبریالانو د خوندیتوب بنسټونه حکومت د خبریالانو د امنیت په تامین کې ناکام بولي.

الیاس داعي نن سهار په هلمند کې د چسپکي ماین په چاودنه کې ووژل شو.

https://taand.net/%d8%af-%d8%a7%d8%b2%d8%a7%d8%af%d9%8a-%d8%b1%d8%a7%da%89%db%8c%d9%88-%d8%ae%d8%a8%d8%b1%db%8c%d8%a7%d9%84-%d8%a7%d9%84%db%8c%d8%a7%d8%b3-%d8%af%d8%a7%d8%b9%d9%8a-%d9%88%d9%88%da%98%d9%84-%d8%b4%d9%88/